நடிகர் விஜய் நடித்த லியோ’ படத்தின் வெற்றியை தொடர்ந்து நடிகர் விஜய் அடுத்ததாக தன்னுடைய 68வது திரைப்படத்தில் நடித்து வருகிறார். இந்த படத்தின் ஷூட்டிங் தாய்லாந்தில் நடைபெற்று வருகிறது.
லோகேஷ் கனகராஜ் இயக்கத்தில் விஜய் நடித்த லியோ திரைப்படம் சமீபத்தில் வெளியானது. மேலும் அந்த படம் வசூல் ரீதியாக வெற்றி படமாக அறிவிக்கப்பட்டு அதற்கு வெற்றிவிழாவும் தற்போது நடந்து முடிந்தது. இதனை தொடர்ந்து நடிகர் விஜய் தனது 68 ஆவது படத்தில் கவனம் செலுத்து வருகிறார்.இயக்குனர் வெங்கட் பிரபு இயக்கத்தில் உருவாகும் இப்படத்திற்கு ‘தளபதி 68’ என்று தற்காலிகமாக பெயர் வைக்கப்பட்டு உள்ளது.
மேலும் இந்த படத்தை கல்பாத்தி எஸ். அகோரம் சார்பில் ஏ.ஜி.எஸ். நிறுவனம் தயாரிக்கிறது. அதோடு யுவன் சங்கர் ராஜா இப்படத்திற்கு இசை அமைத்து உள்ளார். 20 வருடத்திற்கு பிறகு விஜய் யுவன் கூட்டணி இணைய உள்ளது ரசிகர்களிடையே மிகுந்த எதிர்பார்ப்பை ஏற்படுத்தி உள்ளது. மேலும் இந்த படத்தில் பிரபு தேவா, பிரசாந்த், சினேகா, லைலா, மீனாட்சி சௌத்ரி, மோகன், யோகி பாபு, அஜ்மல், வைபவ், பிரேம்ஜி, அரவிந்த் ஆகாஷ் ஆகியோர் நடித்து வருகின்றனர்.
ALSO READ : கமல்ஹாசன் பிறந்தநாள் – ‘தக் லைப்’ படத்தின் புதிய போஸ்டரை வெளியிட்டு வாழ்த்து தெரிவித்த படக்குழு!
அதோடு இந்த படத்தின் பூஜை விஜயதசமி அன்று நடத்தப்பட்டது. இந்த வீடியோவை படத்தின் தயாரிப்பு நிறுவனம் தனது அதிகாரப்பூர்வ எக்ஸ் சமூக வலைதளத்தில் வெளியிட்டது. அதோடு இந்த படத்தின் பாடலாசிரியராக மதன் கார்க்கி இணைந்து உள்ளார். தற்போது இந்த படத்தின் படப்பிடிப்பு தாய்லாந்தில் நடைபெற்று வருகிறது.
அதை தொடர்ந்து படத்தின் இயக்குனர் தனது பிறந்தநாளை இன்று கொண்டாடுகிறார். அவருக்கு படத்தின் தயாரிப்பாளர் அர்ச்சனா வாழ்த்து தெரிவித்து தனது எக்ஸ் வலைதள பக்கத்தில் பதிவிட்டு உள்ளார். அதோடு அந்த பதிவில் அவர் “இனிய பிறந்தநாள் வாழ்த்துகள் வெங்கட் பிரபு. இந்த வருடம் உங்களுக்கு எல்லாவற்றிலும் சிறப்பாக அமைய வாழ்த்துகள். ‘தளபதி 68’ படத்தின் ஷூட்டிங் இன்னும் நிறைய நாட்கள் நடைபெறும். நேற்று இரவு தாய்லாந்தில் மிகப்பெரிய சண்டை காட்சியின் ஷூட்டிங் நடைபெற்றது. அதனால் உங்கள் பிறந்த நாளான இன்று லீவ் கிடைத்து உள்ளது” என்று பதிவிட்டு உள்ளார்.